新泰東南亞餐廳 (太子集團中心) (Closed)

新泰係我食過so far最正既泰國菜餐廳，忍唔住一定要同大家share！餐廳環境好泰色，燈光柔和，坐得好舒服，食野都開心啲。menu同好多泰國餐廳差唔多，common既泰國菜都應有盡有，不過都有好多特色食物。首先係呢個椰青沙冰，椰汁勁重，加上細滑沙冰，唔係一粒粒碎冰，飲得好舒服，正！椒鹽軟殼蟹，勁脆，軟殼蟹好食就緊，加埋避風塘，雖然好熱氣，但超好味！一定要連埋啲椒粒一齊食，個味好出，好夾軟殼蟹！馬沙拉咖喱，唔辣、重椰汁味，唔會稀好似水咁，配上印度酥餅一流！鐵板蠔仔蛋，不過不失，同普通泰國餐廳差唔多，無乜特別突出最正要提呢個燒春雞釀香茅黃飯，春雞一切開入面塞滿晒香噴噴既黃油飯，燒春雞肉質好軟，而且佢胸骨全部都去晒，切又切得易，食又唔會好狼狽，細心！黃油飯調味亦足夠，唔洗點佢個醬都好好味。另仲有個沙律，有少少辣汁係上面，但好清甜。呢道菜超驚喜其他餐廳搵唔到！