蠔灣 (金巴利道)

Open Now

Now Closed

天氣凍當然要食當造既生蠔。 蠔灣係天后好出名，收工經開尖沙咀，原來都有一間分店，即刻心郁郁想食。 一場黎到當然要食海鮮拼盤，拼盤可以自己組合，餐廳有好多種類比你選擇，有法國生蠔、加拿大蜆、北海道赤貝、帶子、地中海紅蝦，紐西蘭深海蝦，蜆，麵包蟹等等。我揀左車厘蜆、法國藍蝦、北海道赤貝同5款蠔。 分別係Tia Maraa pearl , speciales lambert, krystale, la perle noire, cocollos. Cocollos 金屬味最重，而且好大隻， 朋友最鍾意。 我就反而最愛lambert, 裙邊爽脆。其他海鮮全部都好鮮甜。天氣太凍要叫翻個湯，清酒蒜蓉煮活蜆湯，蜆肉大隻，湯底清甜。結尾就要食返啲肉先至飽肚，洋蔥汁伴安格斯肉眼，牛扒烤到5成熟剛剛好，洋葱汁係自家製好襯牛扒。因為太飽食唔落甜品，下次多啲人可以叫個再大啲嘅海鮮拼盤試多啲款。