農舍 (Closed)

今日嚟到南丫島⛰🏭食海鮮餐以外嘅餐廳仔/Cafe主要集中喺榕樹灣大街一帶，整體氣氛亦都比較悠閒。行咗一陣想揀有一間有正餐食嘅Cafe，就入咗去農舍。餐牌上有得散叫，有早餐午餐Pizza小食，亦都另外有一塊黑板寫咗幾款嗰日嘅Chef’s Special. 我就揀咗Chef’s Special嘅Thai Basil素肉碎手工麵。農舍嘅大部分食物都係素食，而呢一個手工麵對我嚟講我覺得係一款有特色嘅泰式加西式素食fusion菜。送餐上嚟一眼睇就已經覺得賣相非常吸引，似係一款好特別嘅意粉。食落素肉碎好香口，雖然係素，但同平時嘅泰式辣肉碎講唔出有咩分別😆 而且泰式香料亦都非常之足料。至於手工麵就又彈牙又煙韌！成個配搭無比地夾。份量其實都唔細，但因為那六歲好香加埋彈牙嘅意粉，最後唔捨得浪費食晒全部！呢款Chef’s Special我真係極推薦！尤其係鍾意食手工意粉又鍾意食泰國菜嘅人，應該一定會鍾意。Chef’s Special餐牌包一杯飲品，咖啡味道雖然唔算好出色但整體都不錯。媽咪嗌咗一份breakfast set, 當中應有盡有，亦都味道不錯。