哥哥添飯•妹妹泡茶

Open Now

Now Closed

有個朋友係創紀之城一期番工，話佢公司地下有間台灣菜幾好食，約埋我放工係道食飯。食物種類唔少，特別d有蛋餅、泡飯、菜包都有。台式飲品同甜品都有。岩鹽咸豬肉拼皮蛋醬生菜包 - 豬肉係用岩鹽盛載住，有淡淡嘅鹽香。最特別嘅係佢嘅皮蛋醬，除咗食倒皮蛋味之外，橄欖油同蒜頭味都好突出，味道好新奇又好好食。餐配兩件蒸刈包，夾埋生菜、皮蛋醬、豬肉片食和味無窮！椒麻脆炸雞拚魯肉飯 - 呢隻台式炸雞比起絕大部份嘅台式餐廳炸得出色，一方面外皮有台式炸雞嘅蘇脆，另一方面裏面嘅肉汁仲保留住，我食嘅雞胸肉質都幾滑。叫煮食推薦一定要加$10變定食套餐！有三個前菜、青菜、甜品仔。涼菜都幾好食，滷肉青菜份量唔少，泡芙仔朱古力味都好唔錯。乳酪芝芝六重天綜合奶茶 - 裡面有胚芽、乳酪芝芝奶蓋、黑糖珍珠、芋圓、芋泥、烏龍奶茶。超級豐富！烏龍茶茶味香濃。