Favilla Cafe (Closed)

小編係上網比佢哋嘅和式all day breadfast吸引到，所以就走咗去試。首先佢哋呢度嘅鰻魚真係超級大舊丫，而且仲好厚肉添，雖然食落就有少少碎骨，但小編覺得都可以接受，所以真係俾咗極高嘅評價。另外佢哋嘅炒蛋亦都做得好出色，唔好以為落咗味噌就會好鹹，呢度嘅炒蛋鹹味適中而且滑身，蛋味仲好出添！再者牛油吐司亦同樣出眾，牛油味真係好香，而且吐司整得都脆口。除咗上面嘅主菜之外佢哋仲有啲沙律同香腸做配菜，佢哋嘅沙律菜應該落咗啲芝麻醋，因為食落好香芝麻味而且酸酸地咁。隔離嗰個波本身小編以為係淨薯蓉嚟㗎，點知原來佢係沙律薯蓉波至真😂沙律味好出，而且薯蓉當中有夾雜左啲薯仔粒喺度，所以都幾有口感。另外嗰條手工香腸小編個人就覺得鹹咗少少，不過隻肉質就有少少似德國香腸咁。最後唔好以為呢個all day breakfast好似好細分咁，小編最後都食淨左少少野😂Latte嘅奶味真係好重，但抺茶味都不甘示弱一樣都咁濃啊，而且Latte整體本身都好滑。但係小編建議嘢飲一攞到上枱真係要即刻開始飲，因為抺茶粉會沉底，而且店舖冇提供搞搞棒，所以Latte飲到會好「鞋」口。雖然餐牌嘅選擇就唔算好多，不過勝在樣樣都夠特別