Video
Read full review
2021-01-17
57 views
返咗一個禮拜學覺得好辛苦，再加埋有好多其他嘢要做，真係覺得有啲攰。尋晚直頭一返到去，第一時間沖完涼就瞓覺，一瞓就瞓咗10幾個鐘冇醒過。禮拜六日難得放下假，決定大食特食，食多幾餐好嘢，慰勞吓自己。平時最大嘅喜好就係上網search有咩未試過嘅好嘢食，然後見到呢間新開嘅fusion素菜。其實本身平時對食素就唔係真係好大興趣嘅，但呢間素菜係亞洲菜同歐洲菜包括中日法嘅fusion，睇啲野食相仲要好似Fine Dining咁，即刻勁大興趣啦。因為呢到嘅menu每個禮拜都唔同，所以我黎之前都喺社交平台望左今個禮拜嘅menu。喺社交平台 Page到得知呢間餐廳嘅食物係由法國私房菜主廚嘅藍帶畢業大廚加上超過30年經驗嘅專業素廚同埋多位三星大廚烹調而成嘅，即刻更加期待啦。本身最初諗住每人叫一份set lunch嘅，但黎到見到有個set係Lunch for Two，只係每人俾多$20就可以有多一個主菜，覺得抵啲，所以就叫左呢個set啦。呢個set係$428，有兩個Appetizer、兩碗湯同埋三個主菜。每個主菜都分開兩份咁上，咁就可以兩個人都試曬三款主菜又唔洗自己share啦，呢個安排好好。首先一黎到就有
平時最大嘅喜好就係上網search有咩未試過嘅好嘢食，然後見到呢間新開嘅fusion素菜。其實本身平時對食素就唔係真係好大興趣嘅，但呢間素菜係亞洲菜同歐洲菜包括中日法嘅fusion，睇啲野食相仲要好似Fine Dining咁，即刻勁大興趣啦。
因為呢到嘅menu每個禮拜都唔同，所以我黎之前都喺社交平台望左今個禮拜嘅menu。喺社交平台 Page到得知呢間餐廳嘅食物係由法國私房菜主廚嘅藍帶畢業大廚加上超過30年經驗嘅專業素廚同埋多位三星大廚烹調而成嘅，即刻更加期待啦。
本身最初諗住每人叫一份set lunch嘅，但黎到見到有個set係Lunch for Two，只係每人俾多$20就可以有多一個主菜，覺得抵啲，所以就叫左呢個set啦。呢個set係$428，有兩個Appetizer、兩碗湯同埋三個主菜。每個主菜都分開兩份咁上，咁就可以兩個人都試曬三款主菜又唔洗自己share啦，呢個安排好好。
首先一黎到就有份焗腰果，腰果外面有層蜜糖脆皮，香脆好食。
🍜昆布天使麵配欖油爆珠
天使麵口感彈牙，一粒粒嘅爆珠望落好似三文魚子，但其實係欖油爆珠，口感好有趣。欖油撈埋嘅天使麵食落口感清新宜人，食後感覺有淡淡嘅松露香味，幾適合做前菜。
🌶水晶粉撈素翅配麻辣醬
水晶粉爽口彈牙，配埋素翅，兩個嘅口感有啲相似但又有少少唔同，撈埋一齊食好正。加埋麻辣醬，麻辣醬好香，彷彿食緊麻辣米線，辣味都幾夠。辣辣哋，非常開胃。仲有啲芝麻粒，食落好香。
🍅西班牙蕃茄波椒湯
蕃茄波椒湯味道濃郁，食得出有蕃茄蓉喺湯入面。波椒其實姐係三色椒，湯入面有三色椒切絲，湯唔辣，蕃茄同三色椒鮮甜。呢個湯好飲，配上香脆嘅pan de cristal非常夾。
🥣秘制牛肝菌酸辣湯
酸辣湯入面嘅用料非常豐富，有好多木耳絲、素翅、豆腐絲、牛肝菌、竹笙等。酸辣湯比較辣，我自己本身食得好辣都覺得呢個湯夠辣。但辣味絕對唔會掩蓋左其他味道，所以都係好飲。不過如果唔食得辣嘅朋友最好揀另一款湯啦。
🌹玫瑰叉燒
店員介紹呢個係招牌菜，咁當然要試一試啦。店員話呢度嘅叉燒汁係自家製嘅，玫瑰果醬都係有機嘅。每人會有四大件叉燒，雖然係由大豆麵筋製成嘅素叉燒，但食落味道同真嘅叉燒都幾似。叉燒嘅外皮脆而香，同真嘅叉燒差唔多，甚至比好多燒味店嘅叉燒都更加香脆。玫瑰汁酸酸甜甜，同叉燒幾夾。
🍤玫瑰芥末鳳尾蝦
玫瑰果醬配埋芥末味，估唔到都幾夾。每人有兩大隻炸得香脆嘅「鳳尾蝦」，其實食落都真係好似炸蝦嘅口感，雖然知道唔係蝦。仔細咁品嚐，有啲似蒟蒻嘅口感。旁邊仲有幾粒車厘茄。
🍲大烤菇意大利飯
烤菇因為係烤出嚟，所以菇嘅外面比較乾身，但入面仍然保留左菇嘅肉汁、食落口感爽口彈牙。呢份意大利飯嘅飯比較乾身，有咬口，亦有蘑菇粒喺入面，所以蘑菇味好重。
🥛脆皮燕麥奶 $30
燕麥奶食落口感滑身，脆皮同燕麥奶幾夾，配埋餐廳特制嘅芒果醬，成個甜品配搭幾好，仲有藍莓同士多啤梨伴碟。
🍮生磨蓮子露 $30
蓮子露好香好甜蓮子味，好似蓮子蓉，食落好滑。甜品入面仲有好多蓮子肉，好食。
食食下有時真係唔記得咗自己係食緊素菜，而係覺得係一餐好精緻好好味嘅午餐。依呢個質素黎講，價錢其實真係唔貴，同cafe差唔多價錢但質素高好多。有機會都會再同朋友食。
Post
