味川酸菜魚 (Closed)

屋企人係火炭收工，今日又去左火炭覓食，屋企人話呢度開左間新野專食酸菜魚，我地就即刻衝過去試試佢。🤣雖然可以坐既位唔多，裝潢都比較簡單，但估唔到都幾滿座。店員服務都好好，會好詳細咁介紹，欣賞。👍如果以份量計，個價錢我覺得都幾平下。2個人食到要打包走都係人均$170-180左右，真係幾抵！🤩味川酸菜魚 （標準 $188）一上枱就覺得超級大碟。基本上入到黎每一枱都會叫呢個，因為真係好高質！🤤佢用既係爐魚，魚超級滑，而且好有質感，入口覺得好爽。😋個湯底就小小麻小小辣，好濃郁，係會愈飲愈上癮！😆超正。個碟上面食住“魚好吃湯更好喝”，我都幾認同！🤣黃金軟殼蟹 （$115）份量超多，個皮又炸得好脆。咸蛋黃味好香好重味，正！軟殼蟹好鬆軟，外脆內軟，好爽！😍我覺得呢個配酸菜魚超夾，食到好麻好辣再食幾塊黃金軟殼蟹，味道上好夾！👍尖椒溏心皮蛋 （ $48）皮蛋晶瑩剔透，皮蛋味好突出。 調味做得非常好， 好香好濃！ 呢個真係超開胃！🤤凍奶茶另外叫左2杯凍奶茶，都幾香滑，奶同茶既比例合我心意。