味川酸菜魚 (Closed)

自從冇得返大陸之後，好耐都冇食過一浸大陸味啦！今日咁岩經開火炭，係朋友嘅介紹之下就食咗呢間叫味川嘅餐廳。我哋今日點左酸菜魚、麻辣土豆絲、手撕包菜、辣子雞、黃金蝦。先唔好講其他餸嘅質素，我來味川就係為咗佢嘅酸菜魚，碟酸菜魚一送上嚟即刻成浸大陸味漂晒出嚟，呢樣就係我最期待嘅嘢啦！日式舊魚就知道係新鮮嘅而且酸辣到適中湯底又唔會太鹹飲完唔會頸渴。食得出係用心製作。除此之外其他菜式都冇令我失望！麻辣土豆絲真係好好味，手撕包菜又係好好味！下次要帶埋屋企人嚟嗌多幾個餸先得！

今日我係三人行去味川的酸菜魚，，我已經嚟過好多次食酸菜魚，今日就加了冰鎮咕嚕肉，給我太驚喜地好好食😋，再加魚香茄子🍆，也好好味😋，最後係食吾晒啦，我要求老闆幫我包裝好帶走，他係好有心邊包邊和我們傾談，係好細心和專業的包👍👍👍我機會會多嚟食嘢。

火炭工廈超滑溜酸菜魚 行完山減肥 睇吓有冇d唔肥仔又開胃既野食 酸菜魚就真係啱晒啦 白魚肉低卡 米線低卡 蔬菜都低卡 完美 即刻試試.⭐️酸菜魚米線$58 凍飲+$2表面望到 辣椒唔多 花椒搵唔到所以湯底口味 明顯食得出比較清湯feel👍🏻湯嘅表面都唔會一層油 唔重味精 飲完唔會口乾👍🏻酸菜味為主 感覺到少少魚鮮味 好開胃👍🏻魚肉量適中 每一片都幾大塊 冇泥味🔥口感10分滑溜 係暫時香港食過最滑嘅一間底下有啲蔬菜 青瓜 蓮藕片 金菇 木耳.整體評價幾高分 魚肉滑溜係呢間嘅重點酸 同 辣 都恰到好處 但唔夠重口味 缺少麻味如果平時鍾意清湯 又唔太鍾意食辣呢碗嘅評價 會極為高分.#hkfunfoodrecord窮遊香港#hkfunfoodrecord_火炭.#味川酸菜魚 (火炭)地址：火炭坳背灣街20-24號金豪工業大厦1期地下B1號舖.⭐️評分：味道：4/5 環境：3/5服務：3/5 抵食：4/5.‼️想睇更多資訊‼️ig/youtube/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #hkfoodi

最近天氣凍所以特別鍾意食酸菜魚香港好多地方可以食但係呢好唔好味就見仁見智啦今日係今個星期好凍嘅其中一日又落晒雨咁樣都特登去幫襯點知去到嘅時候係4:36pm老闆話截咗單跟住我都同老闆解釋我係特登過嚟食嘅佢好好接受埋我哋最後一張堂食嘅單佢就話我哋要即刻叫嘢食同埋俾錢最緊要嗌咗個魚先咁於是我哋就揀咗一個正常嘅酸菜魚之後呢就帶咗呢個黃金軟殻蟹同埋回鍋肉叫完嘢食即刻俾埋錢坐低大約10分鐘左右啦酸菜魚即刻嚟到真心好食過出邊嗰啲幾百蚊好多倍分量足夠兩個人食入邊嘅魚肉唔散仲好厚而且配料都好足好多有木薯粉有蓮藕萵筍青瓜芽菜最緊要係個湯夠味又香當然唔少得入邊有酸菜啦食咗三份一左右回鍋肉就來到啦嗰碟回鍋肉一放低超級之香回鍋肉啲肉夠厚 味道又香又夠辣兩樣都食咗差唔多一半嘅時候黃金軟殼蟹就到la全部嘢食都係即叫即整熱辣辣呢個黃金軟殼蟹非常之值得嗌性價比好高第一件數多第二真係啖啖肉啲炸粉唔會過厚而且嗰個鹹蛋黃味超級之正果然係火炭返工嘅人先識去嘅餐廳唯一不足之處呢就係餐廳嘅環境呢比較簡陋同埋枱數都好少

火炭冇乜好食，試吓呢一個酸菜魚薯粉真係返唔到轉頭，呢次已經係我第三次食！湯底夠味，魚塊夠嫩滑，份量亦充足，感覺食極都有，唔會好似市面上得一兩塊就冇，配料豐富萵筍蓮藕芽菜酸菜充足，辣到可以調校又可以唔辣可以BB辣！值得推薦！鋪位比較細有時會買外賣回家吃！

事緣朋友住附近，介紹我哋成班人去試呢間酸菜魚，剛剛來到，店面都幾細間，只有四張枱。酸菜魚（特大）影相睇唔到個效果，真實係超級大碗，我哋5個人都夠食，食極都仲有叫左中辣，酸味同辣味平衡得好好，香濃，夠麻，非常之出色魚肉爽滑，有魚味得黎唔腥，無骨推薦食得辣嘅朋友不妨試大辣個底都好多料，有窩荀，薯粉，芽菜，蓮藕冰鎮甜酸骨出面凍冰冰，入面仲係熱，出面糖漿裹得多左dd 不過肉餡非常實在，菠蘿好新鮮。好甜另外仲叫左鹽焗雞，手撕雞，虎皮青椒，以上麻麻地，不過佢嘅炒土豆絲，炒萵筍絲都炒得幾香口，幾入味總結係一定會encore唔係全部出色，下次知道要叫咩餸完！

太耐冇去食酸菜魚，真係好掛住個陣味道！難得同事話公司附近有酸菜魚食，仲要好食咁話，咁梗係要去試下啦。環境就十分簡單既，得幾張檯咁，大家齊齊叫左酸菜魚薯粉。一飲湯，嘩～夠酸又唔會蓋左辣味👍🏻👍🏻佢仲可以叫小辣，不過就唔可以走辣，走咗辣就唔係嗰陣味㗎喇！但我個人覺的小辣都還好！試埋個魚，魚既份量都好多，魚既肉質好滑，午餐黎講，呢個質素真係好好，解到癮🤣薯粉係粗薯粉，係平時去葵廣食到重慶酸辣粉個種薯粉！呢間舖用粗薯粉真係好好，成碗各方面都夾得非常好👍🏻👍🏻👍🏻

沙田區食酸菜魚嘅地方唔多見到火炭有一間好似幾正宗嘅酸菜魚一於去食下！佢係喺工廠嘅餐廳細細間 得5張枱左右環境一般入去見到張餐牌都印到矇矇地印象麻麻等左唔算好耐就有位D嘢食都上得好快叫左$188酸菜魚 清炒土豆絲 飯 兩杯飲品酸菜魚：魚有好多酸菜唔夠多 就咁睇上面張相都冇乜😂唔夠酸亦唔夠麻 想食得冇咁重口味嘅話會啱食叫左小辣真係唔太辣佢入面有金菇菜 薯粉 芽菜 青瓜 木耳 蓮藕片薯粉嘅份量超少 絕對唔夠食又冇得自己揀餸加落去☺️不過overall嚟講酸菜魚係好食清炒土豆絲：用左牛油嚟炒 再加幾條辣椒好香口👍🏻最後埋單每人$150左右都幾抵食！但呢間係貪佢近先會嚟食如果住得遠真係唔使特登嚟食☺️

黎左呢間店食左兩次，兩次既體驗都十分好，店裏雖然地方唔大，但係座位好好坐。嘢食好好味，十分欣賞咕嚕肉，十分大舊和淡淡肉，特別欣賞冰鎮咕嚕肉，個口感好特別，好脆，再加上凍冰冰咁，好好味！份量好多，食過番尋味。酸菜魚也好好食，沒有腥味，辣得過癮！大份酸菜魚份量好足，魚肉好多，四個人食都好夠。下次要去食埋佢其他送和小食，我見佢除左酸菜魚之外還有很多其他嘢食可以點，全部都好吸引。喜歡食辣的朋友一定要去試試！

食完呢間餐廳之後真係忍唔住要比一個好評！先係老闆非常細心、友善。員工態度良好，食物質素亦非常之好。食過兩次，一次堂食，一次外賣，食物質素都維持得好好。尤其是咕嚕肉，外賣仲幫我分開咗個汁。返到屋企仲脆卜卜，啖啖肉！非常好！絕對值得一試。酸菜魚味道亦都好正宗，喺香港數一數二嘅酸菜魚👍🏻啲魚並唔係普通嘅龍利柳，係新鮮魚。感覺上好有誠意！建議大家熱辣辣食，熱辣辣咁樣食更加好食！份量亦都非常之多。讚好讚好！

今次係第二次去食，就試吓其他菜啦。今次嗌左個尖爆炒牛肉跟住黎個土豆絲，再要個炒萵筍，炒牛肉呢就勁好食，如果食辣嘅朋友可以試吓，土豆絲都正，但係個炒萵筍呢就有啲油得滯啦，今次有少少插曲，實在耐左d啦，食完個牛肉之後跟住嗰兩個菜都未上，搞到食左一半停左。

今日第一日去食，本身就係坳背灣街睇有咩食嘅。跟住見到一間新嘅酸菜魚，咁就入去試吓啦，首先點左我最愛嘅青瓜先啦，咁跟住呢就再點呢一個酸菜魚，仲有呢個炒椰菜。個人覺得最好食呢個炒椰菜太似啦川味嘅手撕包菜，酸菜魚呢啲魚係夠滑但係一啲味道都唔入條魚嗰度，另外青瓜淨係得個爽一啲味都冇，無乜醋味。

係火炭工業區一個不起眼既店舖卻藏著大大既驚喜😆———————————————🔻酸菜魚(加大) $298 (💡8.5/10)我地叫左中辣 辣度岩岩好👍🏻湯底夠酸爽 帶有微微花椒辣味魚片鮮嫩無骨又滑溜😋底下仲有寬粉同好多配菜吸哂啲湯😆**🔻水煮牛肉 $118 (💡7/10)牛肉片稍微細塊食落唔算好有驚喜不過我幾鐘意個麻辣既味道🥶**🔻雞絲粉皮 (💡9/10)必點之選！！粉皮超級滑溜😚再加上微辣既麻醬同超級香口既炸花生大家都食到停唔到口😆**🔻椒鹽雞軟骨 $98 (💡9/10)另一個必叫之選！！雞軟骨炸得十分香脆再灑上少少椒鹽拎黎送酒真係一流🤤**🔻清炒土豆絲 $65 (💡7.5/10)味道酸酸辣辣咁土豆絲食落又夠爽脆👍🏻**🔻農村回鍋肉 $88 (💡7/10)呢道菜就油左少少唔係好岩我地呢班女士🤣不過食得出係好有鑊氣✌🏻———————————————題外話 店舖座位真係少咗啲想食就真係要等一等啦🤣

前幾日同同事去咗呢度食酸菜魚！好有驚喜！店面好細又唔起眼，一入內只有4張枱！本身我地想訂位，但經理話因為店面太細，不能留位，咁就搏一搏去食啦！去到坦白講，店內裝修擺設真的一點也不討好，地下仲要有點滑，如果你係對環境有要求既人，呢度就滿足不到你！雞絲粉皮：但佢既食物真係超級高質！第一個係雞絲粉皮！同我地食開既有所不同！平時餐廳食既會係用花生醬或芝麻醬，但呢度就係麻辣味既，而且個粉皮既口感係啱啱好！超級開胃！細問之下，經理先介紹，原來廚司係正宗四川人呢個先係四川正宗食法！酸菜魚：呢個就係主角酸菜魚，有標準同加大兩個size!我地叫了中辣！大size!不得了！酸，辣，麻，恰到好處！下面仲有薯粉墊底！薯粉又係煙煙un un，好有咬口！份量超足！魚無泥味又嫩滑！絕對係誠意之作！水煮牛：呢個係水煮牛肉！比酸菜魚更辣更麻！我平時只係食譚仔三哥酸辣，呢個水煮牛係我極限😅雞軟骨:呢個係椒鹽雞軟骨！好酥脆！好送飯！味道啱啱好！好有大排檔風味！回鍋肉:最後一個我有影相既係回鍋肉，因為樣樣都叫辣野食到呢味就係麻木咗個肉偏肥，但回鍋肉正宗就係肥，所以我都食得不多！本身仲叫咗個炒土豆絲，毫無特別，不提也罷。當日經

作為火炭打工仔，見到有新食肆好開心，但由於本人不啫辣，唯有試蕃茄魚，首先講魚，得個滑字，但無魚味，閉眼根本唔知食緊咩， 仲知難食，湯底無蕃茄味，好似茄膏加糖咁，死甜，點送飯，成五，六拾蚊， 最後我只能用蕃茄配飯食， 完全中招！ 在此之前， 本人亦試過牛肚麵清湯，牛肚無味，清湯就系福字麵湯味仲要溝水。