湘川滬 (+WOO嘉湖二期)

Open Now

Now Closed

一直以來都好鍾意食中菜，特別係同屋企人或者長輩。不過香港真係唔係好多中菜餐廳出色，朋友介紹呢間餐廳話好食得來性價比又高，所以今日就黎試吓啦。呢度既網修有啲似餐廳，又有啲似酒樓，呢度所有侍應的服務態度都非常好，好有禮貌。我哋叫咗一個湘菜必食既酸菜魚，一上枱估唔到咁大兜。佢嘅酸菜味好香，食落唔會好辣，酸味就啱啱好。最值得讚嘅係佢嘅魚，唔係好似平時其他餐廳煮到林晒嗰種，而係有啲脆身，好似脆玉鯇咁，食落口感好好。呢個干鍋辣炒大腸賣相一流，而且竟然成個鍋上，下面仲有火燒住，咁就唔怕凍哂啦。佢嘅大腸洗得好乾淨，而且一啲都唔太肥，辣味啱啱好，夠哂開胃。口水雞都好值得一讚，因為佢嘅雞肉好嫩滑。個辣汁都好香好惹味，送飯一流呀。呢間餐廳又平又抵食，唔怪得朋友咁落力介紹啦，下次朋友或者屋企人食飯，我都一定會介紹佢黎呢度呀。