鳥炎屋

Open Now

Now Closed

好多年前嚟過呢間餐廳，記憶中就係呢度嘅禮貌好好，但係一直冇機會再嚟，今日朋友係呢度放工，咁啱喺度附近，終於有機會再嚟食啦。呢度仲係咁好禮貌，雖然只有兩個職員，但係一男一女嘅職員都好有禮貌，佢哋會介紹俾你聽有咩好食。首先，我哋叫咗一個牛油果蕃茄沙律，估唔到真係好開胃，而且好足料。佢嘅牛油果起碼有兩個，點買豉油食真係好似三文魚。而且蕃茄同沙律都好夾，越食越開胃。呢個吞拿魚玉子燒都好值得讚，因為佢食落唔會好膩，亦都唔會好油，又係開胃之選，非常適合夏天食。我自己最鍾意嘅，就係呢個燒雞串同和牛串，徐徐食材好新鮮之外，而且份量好夠，同埋燒嘅時間啱啱好。呢個和牛串食落真係好有牛味，而且唔會太硬又唔會太腍，真係非常推薦大家試吓。最後我哋走嘅時候，呢度嘅職員仲送到我哋去門口，而且大力鞠躬歡迎我哋嚟到呢度，真係好日本嘅感覺啊。呢間居酒屋又靚，而且價錢又平，服務態度仲非常好，真係諗唔到理由唔嚟啊。以後再有朋友聚會或者生日都一定會推介佢哋嚟啊。