Running 燒 (Closed)

上星期放工已經聽女朋友講想食韓燒，趁住今日Monday Blue不如就book食韓燒獎勵下自己啦。黎到位於將軍澳Popcorn，Running燒喺Popcorn商場入面既Popfood，出左地鐵站上1樓有部lift直接上2樓，好彩商場嘅指示都尚算清晰～ 黎到Popfood已經見到大大個Running燒嘅招牌睇番餐牌原來有早割優惠，夜晚7點前離座可以198埋單，好抵！Openrice訂座仲有全單85折！我地大約7點9去到，入到去發現已經有好多人燒緊啦，好熱鬧！Running燒牆身貼左韓星嘅牆紙，電視亦不停播住Kpop，好有氣氛！肉類、海鮮類同熟食類炸雞、炸餃子等等都係用手機掃QR code點餐，店員都好有效率好快將點好嘅野食送到～ 其他蔬菜類、醬料、甜品同飲品都係出面bar枱自助任攞！蔬菜類選擇非常豐富，有最愛嘅牛油金菇同粟米～醬料都有6款，強烈為大家推薦中間呢隻甜酸烤肉醬，甜甜酸酸好開胃呀～擺到全枱野食好正好幸福呀，推薦牛柳片同薄切西冷牛扒，牛味十足好juicy！女朋友就鐘意五花腩同青陽辣雞粒，辣得過癮！炸物同樣有質素呀，手機點嘅炸雞同炸餃子都係即叫即炸，最正係辣同柚子味炸雞～ 食完主