鯉魚門海鮮酒家

Open Now

Now Closed

上個月11號係爸爸生日，去左鯉魚門食海鮮(但到依家先記得寫食評...)一行7人，點左7個菜，我地真係誇張:椒鹽瀨尿蝦炒得好香好惹味，每人一隻，雖然瀨尿蝦已經好大隻，但食完都唔夠喉!不過要留肚食其他海鮮蒜容蒸扇貝簡直係我的最愛!蒜容好香，扇貝好鮮甜，好想好想食多幾隻呀!!!豉椒炒蟶子食落知道蟶子好新鮮，如果唔係會好腥而且蟶子每條都好長好肥美，又係好快清碟既一款海鮮清蒸石斑石斑肉質真係好滑，好鮮味，一分錢一分貨，完全唔擔心條魚會腥呀芝士焗龍蝦呢個龍蝦真係無得彈，超級濃厚的芝士，龍蝦入哂芝士味連埋d伊麵食真係好正，仲夠哂飽肚超級推介呢個芝士焗龍蝦呀!!!!椒鹽魷魚魷魚上到枱仲係熱辣辣，食落好香口好脆咕嚕肉由於家姐既女仲好細個，海鮮唔係好啱佢，所以都叫左個咕嚕肉比佢食我食左一件，估唔到都幾好食，咕嚕肉色澤金黃，炸完肉質仲幾嫩，甜甜酸酸味好啱小朋友食整體海鮮非常新鮮，烹調手法又好，可以保留海鮮原本既鮮味而且服務態度好好，坐得夠舒服，下次大時大節都會再選擇呢到(y)