大一海鮮火鍋料理 (Closed)

見到佢個名叫做海鮮火鍋料理，當然要試下佢嘅海鮮。一睇個 menu 就俾個花甲皇蟹鍋吸引，一於叫佢嚟試下啦！個鍋真係勁足料，胡椒味嘅湯底配以菇類同西芹，再加上超多花甲同埋兩隻花蟹，有隻仲有勁多膏 😍跟住就出去睇下有乜海鮮揀。樣樣海鮮都好生猛，最後叫咗一隻鮑魚同兩隻花竹蝦兩隻蟶子試下，全部都非常新鮮甜美，又好大隻。店員推介話手切本地肥牛都好出名就叫咗半份嚟試吓梅花間竹嘅肥油，唔係講笑，味道比得上和牛！由於蟶子真係太過鮮甜好味，我哋忍唔住追加多兩隻。雖然每樣海鮮都試少少，再食左啲娃娃菜，但係食完之後原來都幾飽。好在飲品方面我哋叫左瓶紫貝天葵，佢嘅味道甜中帶酸非常開胃，可以幫助消化，比起飲汽水嗰啲健康得多。總體嚟講，海鮮火鍋暫時試過最好味係呢間，絕對值得一試！