漁獲浜燒 (Closed)

平常都有去開尖沙嘴厚福街H8食飯，上次見到11樓開左間食日本燒海產，覺得好吸引，就約埋朋友一齊黎試下！餐廳裝潢走日式風格，黃色感覺好柔和好舒服！以木為主！我就簡左個活貝漁獲浜燒盛合，係二人份量！海鮮包括有活帆立貝、鮑魚、生蠔同松葉蟹腳！呢度既店員會係你面前幫你燒埋的，所以唔洗驚自己唔識燒！蠔肉好肥美，入口好鮮甜！帆立貝我地用清酒黎燒，入口有陣陣淡淡既酒香，帆立貝好大隻，咬落爽口又鮮甜！蟹腳好多蟹肉，原汁原味非常新鮮！味噌蟹甲羅燒，呢個係每次去日式燒海鮮都必叫，係滿滿既蟹膏既蟹蓋加上蛋、味噌同麵包糠，再撈埋一齊食，真係人間美味 超正！呢度既菜式多選擇，海產又新鮮，好推薦大家黎食