Oggi (Closed)

今日放工老婆有野做, 我要一個人晚飯。記得朋友早幾日推介天后開左間叫Oggi嘅小店, $99有一客原隻龍蝦意大利飯, 今日就趁機收工自己去食個Early dinner再返歸。😋Oggi係水星街, 雖然話係天后不過我覺得比較近炮台山地鐵站。放工未到7點去到都已經有3, 4枱客人, 餐廳唔大, 裝修好雅致, 我最鍾意店入面播放嘅歌, 幾有品味。👍來到Oggi當然要點龍蝦意大利飯配蟹黃忌廉汁啦, 一客只需$99, 已有原隻龍蝦, 意大利飯配上蟹黃忌廉汁非常Creamy, 蟹黃味好濃郁, 意大利飯係好傳統果款, 有d咬勁, 份量都唔少, 龍蝦好爽口彈牙, 蝦身已開邊鉗亦已去殼, 食得好方便。$99真係抵到笑。😍鉗已去殼, 食得方便又可以保持儀態。😄餐包係免費的, 好香脆, 有少少香草味, 味道唔錯。主菜加$60轉套餐, 包括: 沙律, 是日餐湯, 甜品同飲品。但係Menu上的松露野菌忌廉湯同法式肉桂焦糖燉蛋比較吸引,😁 所以我冇轉套餐。個湯上枱時未飲已聞到濃濃松露香味, 松露野菌湯同忌廉蒜片分開上, 自己斟上去。個湯松露味好香濃, 野菌好多, 我果然冇揀錯。😙法式肉桂焦糖燉蛋好香滑, 蛋味濃