蛇王海

Open Now

Now Closed

天氣咋暖還寒，今日氣温20度左右，趁仲未熱得晒走去食番次蛇羹。對上一次嚟呢間舖頭食蛇羹大概係一年半之前，價錢無加，但整體質素比上次差。一如以往，叫大蛇羹加糯米飯套餐，有蛇湯送。蛇羹望落都有唔少餸：肉、筍、木耳同雪耳。蛇羹入口，feel倒個獻好杰，而且係唔熱，只係微暖。肉嘅份量都可以，只係蛇肉比例上較豬肉少，而且無乜咬口。糯米飯好濕，似係落咗好多老抽加色，而且口感似粘米多過糯米。糯米飯基本上係無乜餸，但可以加錢配臘腸。但原來係可以問店員免費加花生送飯，不過我係食晒成碗飯見有其他客人問先知道。估唔到今次最好味嘅竟然係唔使錢嘅蛇湯，熱辣辣又有老火湯味道(雖然我飲唔出有咩藥材)。幫襯咗蛇王海好多年，今次覺得真係唔得，質素極待改善(起碼喺食物温度方面)。希望下次再幫襯可以有番以前嘅水準。