河內大娘越南餐廳 (Closed)

河內大娘在尖沙咀帝后廣場，裝修得有北越情懷，店內既壁畫，擺設都好有越式風味。Menu選擇都幾多款式。而且價錢吸引。龍眼蓮子冰為餐廳自家製飲品，龍眼焗熟所以大大減低燥熱感，味道甜得自然清新帶甘，感覺好滋潤！大大杯，又潤又解渴。黃金炸魚皮，薄切更有香脆口感。咬落去soksobk聲，之後滲出咸蛋黃既咸鮮感覺。香脆得黎又唔油！幾惹味。越南海鮮湯檬粉！賣相好得，材料豐富有鮮蝦，魚餅， 魷魚，豆卜，蕃茄等，鮮蝦真材實料，蝦頭膏香濃郁！蝦肉彈牙有質感，幾新鮮，魚餅好香口陣陣香茅味滲出！湯底清新鮮香，豆卜吸哂湯味，超正。無味精very good!!檬粉有彈性質地剛好，整體非常吸引好食。