新竹源越南餐廳

Open Now

Now Closed

響灣仔返工，好似好耐都冇新餐廳。咁岩路過呢度原來開返舊遺左嘅新竹源越南餐廳！以前係響隔離兩條街嘅！自從佢關門之後都好掛住佢嘅味道！好彩依家食返！急不及待來懷緬一下！主菜小食一應俱全！我哋要左一份蝦膏番茄酸辣海鮮湯河粉，蝦膏味好鮮又好香！搬埋番茄原來味道好夾好鮮味！配菜仲有鮮蝦同埋青口，蟹柳，河粉好滑！唔錯！份量十分之多！河粉吸收湯底精華，好入味！酸酸辣辣都好惹味！牛油雞翼好大堆頭！雞翼炸得香脆，牛油味好香！雞肉亦都好滑！但今餐最重要嘅係呢一份越式香露霸王大頭蝦！香露汁甜甜酸酸好開胃，再加上蝦膏香味，用來配飯一流！大頭蝦有大量嘅蝦膏，好咸香！蝦肉又厚又甜！呢一餐真係好豐富又好味！好開心終於可以食返呢一種味道！