越好

Open Now

Now Closed

好耐無見沙田友，約得佢都係就佢去沙田食，突然好想食越南野，識食緊係去連城廣場搵食，沙田友推介越好話好評眾多，又試下先～餐廳唔算好大，但兩個人都坐得舒服，晚市都有優惠價套餐揀，經濟實惠幾抵食! 一人餐及二人餐都有主食+小食+飲品，乜都可以試到幾吸引。沙田友叫咗招牌生牛肉湯河走青，小食就要蝦餅，飲品點咗杯青檸梳打~先講生牛肉湯河，份量十足，牛肉肉質鮮嫩，薄切輕輕浸去熱湯上就略為熟透，混入牛肉湯底味道濃香，加埋青檸汁辣椒粒等，就夠哂惹味啦，完全滿足了越南菜的味蕾享受。蝦餅炸香上枱，唔會話太油，外皮脆脆，蝦味濃，香口好味，配埋杯青檸梳打，清新解渴，一流！好耐無食過撈濛，今次我就揀咗越南豬扒撈濛，再配食越南野必點的炸春卷，然後食炸野就要飲返杯桂圓紅棗茶潤下喉。越南炸春卷，食越南野係必點名物，春卷炸得好脆，直情咬落去係有聲的，點小小酸汁真係好好味啊～食完真係胃口大開! 越南豬扒撈濛果然無令失望，金黃色的豬扒醃得好入味，食落口又唔會太油同太肥，半肥瘦啱哂我，除咗豬扒撈濛仲有好多好多配料，有蘿蔔青瓜生菜等等，爽口，落小小酸汁一齊食，清清地幾正！，最後飲埋杯滋潤無比桂圓紅棗茶，滿足哂! 過江龍果然非浪得