津津食店 (Closed)

上次行山 愉景灣>>>梅窩 因為平日行, 呢度冇開! 今次再行呢條路專登揀星期日，目的要食呢間津津。成條街Ｄ人都係等呢度，烈日當空，大約等左１５分受鐘。星期日個個都叫蟹茄湯檬，但要拆蟹戴在太麻煩，冇工具地方又唔大，顧唔到咁多嘢，而且有好大舊牛骨，對於唔食牛嘅人就當然唔會考慮。越南烤肉串撈檬：肉串好惹味，比想像中好，但越南香葉嗰啲就冇乜。越南春卷：呢個仲好食，外面炸得好鬆脆，裏面係蔬菜蘿蔔絲，用生菜包住春卷點埋個甜酸醬非常好食，感覺又唔會好熱氣。越式豬扒湯檬：好耐都冇食咁韌嘅豬扒，湯好淡，同一般D越式湯底唔同。咸檸樂／咸檸七：大熱天時行完山飲真係一大享受，尤其食完味精野（魚露）。P.S. 阿姐見我走時未飲晒杯鹹檸樂，就主動俾個外賣杯我（加埋冰底），叫我飲埋佢，真係好人🥹