Spring field (Closed)

環境4分：小餐廳比一般茶記格局舒服，對住門口有四組二人枱，對住個開放式麵檔廚房有五個吧位，對牆同對窗又有四個吧位，抽氣都唔錯，可以畀四分。衛生5分：Ｄ木枱木櫈好乾淨好整齊，完全唔立，每個位都有個號碼，有張教食越南粉嘅插圖，可以畀五分。服務 5分：樓面顆記同後生老闆好熱心推介，又夠快手快腳，又好好禮貌，夠效率，態度好，畀佢滿分。味道5分：碗大滿足全配料牛肉河一上枱，已經聞到牛肉湯底嘅香味，賣相都非常之好睇，有多片半生熟牛肉，又有去骨連皮鴨絲，啲皮都好香口，同埋兩粒牛丸，食落應該係自家手打果種，咬落去好爽，跟住發現碗底有兩粒蘿蔔，蘿蔔非常入味。個主角Ｄ河粉就非常之滑，一Ｄ都唔嚡口。跟足指示食到一半，加左Ｄ辣嘅芽菜仔，非常特別，芽菜仔都食左兩小碟。抵食5分：一百蚊唔使就食到碗咁正宗嘅越南河，連埋啲咁靚嘅牛肉，真係超級抵，滿分！