越．男

Open Now

Now Closed

今日到訪灣仔哩間越南小店。唔似平時嘅餐廳，只供應幾款主菜同小食。越南法包係心頭好，二話不說就揀左香茅豬扒法包。即叫即整，所以要等。法包又脆又熱，餡料爆滿。首先香茅豬扒炸得酥脆，味道剛好。除左豬扒，仲有扎肉，蘿蔔絲，莞茜。係香港食過至正嘅法包。一定要親熱食呀！另外試左好多人推介嘅越南海南雞飯。份量偏細，女孩子都係剛剛好。雞件幾滑，已經無骨，方便食。而油飯幾香，但唔會似平時食開嘅咁油，light d。小食嘅牛油雞翼亦十分脆口，木瓜沙律係唔辣嘅，酸酸地，幾開胃。餐廳細細間，食物精而不濫，推介俾喜歡越南小吃嘅各位！