Video
Read full review
2015-08-27
1607 views
假日不時都會食越南湯河做午餐，貪佢簡單、快捷又輕便。早兩個禮拜前，喺雜誌上睇到上環新開咗間越式小餐店，講明口味傳統、零味精、咖啡豆更加係百分百越南正貨，直頭好似為小肥度身訂造咁 ，大肥爸爸同靚靚媽咪聽完細佬陳述都話即刻要去試；肥肥家族同「Bun Cha Vietnamese」咁就憑週刊o既一編小報導結下緣份。形似一間粉綠色小屋o既「Bun Cha」位於超斜o既鴨巴甸街，只有私家車同的士可直達門口，乘搭公共交通工具都要上落多級石級。餐店地點未必方便，但正門前o既室外候座處放有木造摺枱及摺櫈，地上及枱面簡潔地擺放有盆栽 ，設計成一個小花園咁，別具風格，感覺悠閒，好有特色。店子家庭式經營，三位年輕o既姐姐主理店內右旁o既開放式廚房，其中大家姐當大廚，年幼o既細佬則負責傳送外賣、樓面及較為粗重o既工作。來自越南o既四姊弟分工合作，相當融洽。雖然佢地有幾個識講廣東話，但當同小肥溝通時都要加插少少英文同手語搭救 ，見我地食法同用餐具o既方法有別一般人，其中一位家姐仲好友善客氣地示範傳統做法，大家都上咗堂免費班。小店合共五張四人散座，木造o既餐桌可隨意合拼，一行十幾人都可以一齊坐。室內並無花巧
形似一間粉綠色小屋o既「Bun Cha」位於超斜o既鴨巴甸街，只有私家車同的士可直達門口，乘搭公共交通工具都要上落多級石級。
餐店地點未必方便，但正門前o既室外候座處放有木造摺枱及摺櫈，地上及枱面簡潔地擺放有盆栽 ，設計成一個小花園咁，別具風格，感覺悠閒，好有特色。
店子家庭式經營，三位年輕o既姐姐主理店內右旁o既開放式廚房，其中大家姐當大廚，年幼o既細佬則負責傳送外賣、樓面及較為粗重o既工作。來自越南o既四姊弟分工合作，相當融洽。雖然佢地有幾個識講廣東話，但當同小肥溝通時都要加插少少英文同手語搭救 ，見我地食法同用餐具o既方法有別一般人，其中一位家姐仲好友善客氣地示範傳統做法，大家都上咗堂免費班。
小店合共五張四人散座，木造o既餐桌可隨意合拼，一行十幾人都可以一齊坐。
室內並無花巧o既佈置或華麗o既裝潢，只有窗邊身穿越南服裝o既九個迷你公仔，滴滴骰骰，及天花上紅白色o既燈籠，樸實自然得好似一個普通飯廳咁。
入座第一刻，肥肥家族每人先叫咗杯越南咖啡飲，涷飲$36、熱飲$32。少甜o既咖啡醇厚順滑， 爆！
食物即叫即煮，為怕堆滿餐桌，我地先叫咗三款小食黎分。
Tom Cuon – Fresh shrimp, herbs salad to roll with rice paper（$68）：卷物包得好夠扎實，透明o既薄皮現出鮮橙色大大隻o既蝦件，餡料中仲有生菜、米粉等，咬落清香爽脆。
Tom Cuon – Fresh shrimp, herbs salad to roll with rice paper
$68
244 views
3 likes
0 comments
秘汁
156 views
2 likes
0 comments
Cha nem – Vietnamese fried spring roll, pork, shrimp, fresh herbs and lettuce to wrap
$88
235 views
3 likes
0 comments
Canh ga Chieu bo – Lemongrass chicken wings with butter
$48
190 views
2 likes
0 comments
Pho bo – Thin sliced sirloin cooked medium rare（$68）：河粉滑溜非常；碗中o既牛肉三成熟，香軟腍滑，且夠薄身；配料生洋蔥同蔬菜新鮮爽脆甜美；湯底更加係不得了，其味道香濃得黎可以食得出佢真係毫無味精，真材實料 ！
Pho bo – Thin sliced sirloin cooked medium rare
$68
139 views
3 likes
0 comments
小家庭式運作，服務親切又貼身，卻不收加一服務費，誠意十足 ！
「Bun Cha Vietnamese」代表越南粉與卷，混合咗溫馨家庭及越南家鄉o既風味，小餐館係中上環鬧市中難得o既悠然平靜。食客從小花園步入飯廳，即可感受到店主四姊弟家中o既和諧溫暖，喺度享用一頓家常便飯，唔洗坐飛機都可以品嚐地道越南小食、檬粉及正斗咖啡，真係超級又超值！
Post
