Video
Read full review
2022-10-11
61 views
下午茶時間經過荃灣西，秋天有啲乾燥想食湯粉麵，近期又幾鍾意食東南亞菜，上網search見到原來呢間越北牛肉粉專門店喺如心廣場2期有分店，之前喺荃灣千色匯果間分店食過，食物大份抵食，於是搭電梯上2樓坐低！呢間分店環境感覺更光猛新淨，地方更闊落！套餐可選擇粉麵飯，更可以加$18至$30追加大大份小食，附送熱飲一杯，大部份特飲套餐加$8就可以飲到！➺➺海防蕃茄蟹金邊粉$66見到係餐廳推介，一於試吓！粉麵可選河粉、金邊粉、檬粉，蕃茄湯底好濃郁，自己加咗啲辣椒仔，自製蕃茄小辣湯底，好惹味！入面有大大隻蟹鉗、扎肉、蝦丸、仲有蟹膏，好豐富！➺➺酸辣無骨鳳爪（套餐追加$28 ）自己好鍾意酸辣口味，呢個酸辣鳳爪喺其他分店試過，酸辣味好均勻，好開胃，鳳爪好爽，最緊要無骨，啱晒懶人！➺➺椰汁三色冰（套餐加$8）賣相好靚，用高腳杯儀式感十足！紅豆、綠豆煮得好綿，碎冰打得好幼細，重椰香味，$8好抵飲！➺➺街頭香茅豬扒湯金邊粉$52豬扒同湯粉係分開上，咁樣就唔會影響豬扒嘅香脆！豬扒有兩大塊，面積一定大過我塊面！有少少脂肪，食落唔會乾爭爭！湯底調味幾好，幾清甜！➺➺馬拉盞生菜（套餐再加$23 ）呢個生菜好入味，鹹鹹
➺➺海防蕃茄蟹金邊粉$66
見到係餐廳推介，一於試吓！粉麵可選河粉、金邊粉、檬粉，蕃茄湯底好濃郁，自己加咗啲辣椒仔，自製蕃茄小辣湯底，好惹味！入面有大大隻蟹鉗、扎肉、蝦丸、仲有蟹膏，好豐富！
➺➺酸辣無骨鳳爪（套餐追加$28 ）
自己好鍾意酸辣口味，呢個酸辣鳳爪喺其他分店試過，酸辣味好均勻，好開胃，鳳爪好爽，最緊要無骨，啱晒懶人！
➺➺椰汁三色冰（套餐加$8）
賣相好靚，用高腳杯儀式感十足！紅豆、綠豆煮得好綿，碎冰打得好幼細，重椰香味，$8好抵飲！
➺➺街頭香茅豬扒湯金邊粉$52
豬扒同湯粉係分開上，咁樣就唔會影響豬扒嘅香脆！豬扒有兩大塊，面積一定大過我塊面！有少少脂肪，食落唔會乾爭爭！湯底調味幾好，幾清甜！
➺➺馬拉盞生菜（套餐再加$23 ）
呢個生菜好入味，鹹鹹地辣辣地，火候啱啱好！好快清晒！
➺➺椰青（套餐加$26 ）
清甜嘅椰汁啱啱好可以中和呢一餐味道豐富嘅越南菜！仲可以食埋椰子肉！滿足！
Post
