早安越南 (Closed)

今晚同朋友一齊食越南野，搭地鐵去好方便。餐廳環境好靚，幾乾淨，而且幾靜，適合同朋友一齊去傾吓計。今日食咗幾樣野，最好味嘅係海南雞。海南雞去左骨，食得好方便，又唔使怕食到好狼狽，冇晒儀態。雞肉好滑，而且一啲都唔肥。成碟雞都見唔到有黃色一pat pat嘅油，可能係廚師處理嗰陣時切左，但係見唔到嗰啲油，感覺上就健康好多。有三個唔同嘅醬汁，相片見到黑色嗰個係我最鍾意嘅。係甜醬油，比起平時嘅豉油甜好多同埋濃好多。