安南 (利園) (Moved) New Location

我唔知道越南菜有啲乜嘢咁吸引或者好食，我係唔識欣賞或者佢整得幾好啊點樣啊我都唔知道究竟點為之好食，因為我覺得越南嘢啲味道好淡唔突出，要點魚露先有味，我真係唔識。見佢有位洗等，就去食午市套餐，匯豐卡有優惠，頭盤，前菜，湯粉同甜品，嘢食賣相好靚，分量都好夠，隻烤雞都好味嘅，啲肉唔乾同柴，但係就無惹味嗰種感覺，嘅個蝦沙律啲菜好唔新鮮，好殘舊，變晒色，蝦肉好乾，應該擺咗好耐，抽乾晒水，另外香茅豬肉檬粉，豬肉好食，但檬粉好乾又係擺咗好耐咁，真唔知，另外兩碗湯粉係好味，啲湯好香，原來最有驚喜就係個甜品，斑蘭糕好好食，微微清香清甜，煙煙韌靭，仲暖笠笠，咖啡奶凍又係好正，唔會好甜，淡淡清香咖啡味，清甜口味，佢啲甜品個甜度控制得好好。