順。越南牛肉粉

Open Now

Now Closed

今日去到沙田，兜兜轉轉響市中心附近搵嘢食，終於又係揀返呢度～好運中心嘅［順·越南牛肉粉］，原因好簡單：好味又抵食😊上次試過肉嫩入味嘅巴東牛肉，今晚當然吾可以錯過另一款招牌菜～香茅豬扒湯河，豬扒份量吾少，醃得香滑美味，少骨無雪味，肉質鮮嫩，河粉幼滑吾碎濕濕，味道調味得宜，吾會太油膩，食得好順喉😍生牛肉牛肉丸河粉足料地好食，生牛肉切成薄片，肉質細嫩，用湯浸熟吃起來香嫩有牛香，牛丸有咬勁，兩者牛味都突出，加埋香檸和辣椒，別有一番風味。碗湯飲完吾覺口乾，証明係無味精，連埋洋蔥、芽菜和香葉一齊食，CP值超高🤤飲品今次就試咗凍青檸紅茶，新鮮青檸配上濃味紅茶，清新解膩😋呢間餐廳每次食都無失望，環境寬敞舒服，卡位多而距離適中，吾覺擠迫，令人坐得舒服，服務員態度有禮貌，慢慢食和朋友聚會傾偈都幾寫意🥰