越滿 (Closed)

搭車經常經過越滿呢間餐會，次次經過都話去食，呢次終於去食呢間餐廳啦！餐廳門口大大個招牌好搶眼，餐廳又是好多卡位，座位舒服，燈光明亮。二人餐都有兩種選擇。點左$288的套餐。鮮蝦米紙卷外層皮薄，晶瑩剔透可以見到有咩材料，中間又包住大大隻蝦，白色一條條又煙韌，沾上甜辣醬更加野味，又有少少酸甜蘿蔔絲燒豬頸肉燒到好香，又有肉汁，又嫩滑。炒芥蘭苗炒到好幼嫩，芥蘭苗上面舖上炸蒜片好香，又炒到好入味。咖哩軟殼蟹，軟殼蟹肉飽滿，咖哩又甜甜地，配埋青紅綠椒一起更加七彩繽紛。越式炒飯用上黃薑粉去炒，飯炒到一粒粒金黃色，又有菠蘿，提子一起去炒，飯炒到香噴噴。