越滿 (Closed)

M佬：A姐呀，今晚可唔可以唔食日本嘢呀？A姐：咁食韓國嘢啦！M佬：可唔可以食東南亞嘢呀？話說，近排真係食咗好多日韓菜，而最難得係A姐一啲都唔嫌，但我真心想轉轉菜單，所以今日A姐大發慈悲同我食越南菜，見呢間位於旺角嘅越滿嘅網上評價都唔差，仲要唔駛加一，一於去試試啦！河內魚餅3件切半嘅魚餅，同一般嘅越式魚餅唔同，因為坊間嘅魚味唔夠濃，而呢度嘅魚味超鮮，估計係用新鮮魚制作。除咗夠晒彈牙，驚喜在於加入爽脆可口嘅馬蹄，口感好豐富。牛油雞翼三大隻雞翼，我同A姐點分先？一定係我讓佢架啦！呢隻雞翼嘅炸得好鬆脆，而雞肉就夠晒滑，最重要係牛油味適中，又唔會太油，可惜，我只得呢一隻。鮮蝦米紙卷去親食越南菜，呢個都係我必點之物。透薄嘅米紙包住九層塔、生菜、芽菜、檬粉、青瓜條、蘿蔔絲、花生碎同一隻鮮蝦，點埋特制嘅魚露汁，好清新好開胃呀！越滿和牛湯河冬天食越南嘢，又點少得Pho呢？而呢碗越南河粉用上日本和牛，咁係日本菜定仲係越南菜呢？真係食過先知！呢碗越滿和牛湯河，夠晒分量，2個人都夠食！和牛湯河包括日本和牛、澳洲和牛、和牛牛舌、美國牛小排同牛丸，而配料有洋蔥、蔥花、芽菜同九層塔等。上枱後，店員會喺我哋面前倒下熱