蔡瀾越南粉 (Closed)

聽朋友講呢度peak hour都要排下，所以就襯今日遲食lunch，黎呢到食下pho，去到人唔算多，而且鋪頭有兩層都幾大，所以都仲有幾多位下。呢度主打pho，當然要食下啦，值得一讚嘅係配菜係任揀兩款，可以完全滿足我呢d貪心嘅人，而且價錢唔算貴，仲可以任添河粉，以蔡瀾呢個名黎講，真係唔算貴。生牛肉/牛筋肉越南河 ($68)首先講下湯底，好濃好香，好有牛骨味。生牛肉都幾淋幾嫩，但唔夠個牛筋肉出色，個牛筋好入味，一入口就溶咁，好軟淋淋🤤香矛豬頸肉撈濛 ($68)賣相好靚，味道唔差，個豬頸肉好鬆嫩有彈性👍🏻整體黎講食物質素唔差，不過有一樣野要彈嘅係杯水，佢唔係正常普通水，味道怪怪地。同埋下層環境好迫，條樓梯好窄但又多人行上行落，所以有d扣分。