蓮．越坊 (Closed)

這晚我和朋友在蓮. 越坊吃晚飯。 我地八點左右便到了餐廳, 餐廳食客不多。環境也不錯, 不過冷氣就開得有點大, 所以一入到去即時感覺很凍。幸好餐廳職員都態度殷勤, 為我們送上兩杯熱水, 檸檬味的, 飲完即時感覺暖笠笠。餐牌都幾多野食, 有越式, 也有泰式。我地點左三樣食物, 首先來的是蒜香牛柳粒( $128)。牛柳粒都幾香口, 不過有點韌。而且都幾多粒, 我地都食唔晒。除左牛柳粒, 還有三色椒(紅、黃和綠) , 洋蔥, 和蒜粒炒埋一起, 好有蒜香味。第二上埸的是香葉肉碎蛋炒飯( $88), 有三片青瓜伴碟, 肉碎和香葉、飯炒在一起, 加上一塊太陽蛋, 味道一般。最後出場的是軟殼蟹卷 ($72),有兩卷, 切成四件。呢個小食賣相不錯, 軟殼蟹味道香口, 被薄薄的皮包著, 入面還有些香葉, 點埋茄汁吃, 口感不錯。可能由於冷氣太大, 所以食物好快便變凍了。