火車頭越南餐室 (朗豪坊)

Open Now

Now Closed

今日去朗豪坊交收啲嘢順便喺嗰邊食埋， 連日落大雨濕濕，都係返商場覓食最舒適， 喺四樓見到呢一間越南菜， 自己好耐都冇食越南嘢，而呢度的二人set內龍蝦湯好似好正，價錢唔貴就入去。叫咗個海鮮二人套餐 ，飲品方面upgrade咗一杯龍眼冰，埋單連加一$440。牛油果軟殼蟹米紙卷， 有四舊，味道清新。透薄米紙包裹爽脆生菜，河粉，薄荷葉同香口嘅軟殼蟹，好啱而家呢種濕熱嘅天氣。椰湯浸波士頓龍蝦，每份有一有原隻龍蝦， 仲有蒜蓉包，好抵食。 感覺是西式的龍蝦湯加了椰漿及香茅，多重味道， 頗有特色。馬拉盞炒通菜， 個人感覺辣味可以再加重啲。蟹肉炒金邊粉，蟹肉的甘香， 惹味炸蒜，香滑的金邊粉，入口比泰式炒的相對地不肥膩， 酸甜嘅感覺比較少， 味道比較清新健康，適合而家飲食新趨勢。咸檸七使自己篤，一早mix 好晒，非常體貼。龍眼冰有大半杯龍眼肉 ，足料好味道。