Video
Read full review
2008-06-10
26 views
難得黎到九龍城,人人都話呢頭多好野食,我同小牛梗係要食番餐先走啦!其實完全無心水,行經獅子石道,見到有間越南棊館,咁岩又好耐未食過越南野,於是試下。估唔到亂咁點菜,都點到好野喎!呵呵!越式海鮮炒河:點既時候都心大心細,因為價錢比一般略貴,但係食完之後,發覺的確物有所值!店員會問乾炒定濕炒,我地唔係好識分,是但叫左乾炒…個炒大大碟,一黎到好熱,可能因為乾炒啦,所以真係好乾身,無汁,全部汁都滲晒入河粉度,所以每條河粉都係啡色,而且入晒味,配料方面極之豐富,有青口,又有好多鮮魷,仲有魚,同埋好多好多蛋絲,芽菜等等,由於炒得唔油,食完唔會覺得好膩,不過因為真係幾大碟,所以我地都係食剩;雞絲湯檬粉:呢個係一般菜色,所以無乜驚喜,而且比較清淡,無湯底可言(個湯底似乎係清湯),好在雞絲都叫做有雞味,反而檬粉唔夠滑,呢一味可試可不試;鹹檸七:嘩!真係名副其實,一飲就覺得好鹹!可以一試。另外,見到其他食客叫左好多唔同野,唔少炒飯都睇落唔錯,仲係用一個個煲上添!暋有一道叫唔知什麼法包,幾特別,係一個大圓形法包做底,上放一些米通/鍋巴,然後一件件好似切薄餅咁切黎開,好得意呢!服務方面都唔錯,點菜時,員店會推
其實完全無心水,行經獅子石道,見到有間越南棊館,咁岩又好耐未食過越南野,於是試下。估唔到亂咁點菜,都點到好野喎!呵呵!
越式海鮮炒河:點既時候都心大心細,因為價錢比一般略貴,但係食完之後,發覺的確物有所值!店員會問乾炒定濕炒,我地唔係好識分,是但叫左乾炒…個炒大大碟,一黎到好熱,可能因為乾炒啦,所以真係好乾身,無汁,全部汁都滲晒入河粉度,所以每條河粉都係啡色,而且入晒味,配料方面極之豐富,有青口,又有好多鮮魷,仲有魚,同埋好多好多蛋絲,芽菜等等,由於炒得唔油,食完唔會覺得好膩,不過因為真係幾大碟,所以我地都係食剩;
雞絲湯檬粉:呢個係一般菜色,所以無乜驚喜,而且比較清淡,無湯底可言(個湯底似乎係清湯),好在雞絲都叫做有雞味,反而檬粉唔夠滑,呢一味可試可不試;
鹹檸七:嘩!真係名副其實,一飲就覺得好鹹!可以一試。
另外,見到其他食客叫左好多唔同野,唔少炒飯都睇落唔錯,仲係用一個個煲上添!暋有一道叫唔知什麼法包,幾特別,係一個大圓形法包做底,上放一些米通/鍋巴,然後一件件好似切薄餅咁切黎開,好得意呢!
服務方面都唔錯,點菜時,員店會推介菜式,問佢有關菜色問題,佢亦樂意答,而且聽得出佢係真正認識越南食物既。
Post