越味皇 (Closed)

今晚放工又帶媽媽嚟路德圍揾食 係舖頭外面望嚟裝修都幾靚 所以入去試試 最近想食少啲carbs 所以主力叫肉越式牛肉串燒好厚肉 一串頂得出面三串咁大 仲要好香好juicy 呀媽都話好好食 所以encore左雞肉串 同樣咁大串 令我對越式燒烤有種新體會越式燒魚需時烹調 都幾大條 條魚燒得好好食好香口好嫩 配上檸檬汁 大大提升左條魚既鮮味 又去除油膩感 條魚個肚入面釀左啲香茅、薑、蔥 好驚喜好用心既烹調 超級推薦叫左個馬拉盞菜 炒得幾好 好大碟 食極都食唔完咁最後媽媽話好耐未食過軟殼蟹 見未飽就叫啦 嘩 好大隻 比越平時果啲大一半 好香脆 食左半隻我同呀媽都飽到摸住個肚腩走呀媽飲椰青 佢話好甜 我飲牛油果冰沙 啲冰好fine 成程飯都keep到唔溶 抵讚P.S. 門口大隻哥哥好有禮貌 鐵漢柔情