越式越好味 (Closed)

同事鍾意食越南菜，發現公司附近開咗一間越南菜，所以今日就同佢嚟到呢間越式越好味。入面環境寬敞，裝修簡單，有點越南風情嘅佈置。蕃茄蟹肉扎肉湯檬嘅湯底唔算太濃味，取而代之嘅係多咗一份鮮甜。除咗有蟹肉，仲有兩隻蝦，簡直係海鮮湯檬。蟹膏口感有啲似魚腐，但當然係充滿蟹膏嘅鮮味。呢舊黑色嘅原來係用叫香葉豬肉卷，非常特別。食越南菜當然唔少得湯牛河，呢個河內生牛肉湯河粉湯底味道都算濃郁，牛肉份量都多，配埋九層塔食真係正到不得了。順化炸蝦餅屬於自家製嘅出品，店主冇提供泰式甜酸醬，而係用傳統越南食法，加上蔥油，又係另一感覺。