億饍 (Closed)

朋友介紹依間越泰餐廳有燉湯飲，所以特登黎試下，可惜當日大陪分湯都賣哂，所以淨係叫左豬肺排骨萬壽果湯。睇英文先知原來萬壽果即係木瓜，因為食左可以延年益壽。冬天最適合飲燉湯, 飲完暖哂。豬肺好淋好入味，個湯好清甜。香茅明爐烏頭酸辣湯底係我最近食過最清嘅，反而最合我口味，唔會覺得好重味精，魚肉鮮嫩，微微酸辣，幾開胃。桂花BB鴿乳鴿係滷水煮所以唔會太油膩，好juicy，不過食唔出桂花味。泰國椰青清甜解渴，食完熱氣野要飲下，仲可以食埋椰肉。芒果椰汁黑糯米芒果分量都多，而且好香甜，可惜椰汁調味不足，朋友話原來個椰汁要落糖同鹽煮，味道會更有層次。