Video
Read full review
2021-06-17
3095 views
之前去過兩間「喜喜冰室」的銅鑼灣分店，搬到百德新街之後，該兩間分店已經先後結業。還記得第一次去「喜喜」，已經深深被仿古懷舊的裝修風格所吸引，尤其刻意模仿六七十年代的舊冰室佈局，包括紙皮石鋪地、顏色老土的細細塊牆身瓷磚。但同時又採用較為摩登的設計用色，整體感覺乾淨企理又光鮮，將冰室既殘舊及衛生情況較差的一貫印象改觀，也是仿懷舊冰室的先驅。第一次光顧百德新街「喜喜」，門口在百德新街的後街，如果唔係刻意尋找，根本唔知道有間舖。雖然叫做後街，卻相當寬闊，舖位門口甚至有一大片空地。餐廳老闆就善用這片空間，放了幾台三輪車供兒童嬉戲，甚至擺了一張乒乓波枱。「飯後抽幾板 流連又忘返」及「歡迎扣殺 謝絕喧嘩」，很抵死、又貼切。室內裝修玩得更加徹底，懷舊味道比起新會道、加寧街或者九龍灣淘大商場的舊店更有風味。四週牆上擺滿卡式盒帶(cassette tapes)、黑膠唱片封套，還有大大塊課室黑板及粉筆字。不過，亦顯得有點雜亂無章，感覺只是將好多70年代舊物、及那些年的銅鑼灣特徵，七堆八湊放在一起 ⋯⋯ 儘管如此，但又的確令人緬懷那些年雖然物質不富裕、但人人充滿獅子山下精神的香港。全部都係娛樂圈中人，究竟
第一次光顧百德新街「喜喜」，門口在百德新街的後街，如果唔係刻意尋找，根本唔知道有間舖。雖然叫做後街，卻相當寬闊，舖位門口甚至有一大片空地。餐廳老闆就善用這片空間，放了幾台三輪車供兒童嬉戲，甚至擺了一張乒乓波枱。「飯後抽幾板 流連又忘返」及「歡迎扣殺 謝絕喧嘩」，很抵死、又貼切。
室內裝修玩得更加徹底，懷舊味道比起新會道、加寧街或者九龍灣淘大商場的舊店更有風味。四週牆上擺滿卡式盒帶(cassette tapes)、黑膠唱片封套，還有大大塊課室黑板及粉筆字。不過，亦顯得有點雜亂無章，感覺只是將好多70年代舊物、及那些年的銅鑼灣特徵，七堆八湊放在一起 ⋯⋯ 儘管如此，但又的確令人緬懷那些年雖然物質不富裕、但人人充滿獅子山下精神的香港。
全部都係娛樂圈中人，究竟「喜喜」同娛樂圈有乜嘢關係？
當然不能缺少那些年差不多所有住喺香港島嘅人都搭過嘅14座黃色Van仔，還記得「大丸有落」嗎？那些年，大丸可以話係香港最潮嘅日資百貨公司。
餐牌設計同樣抵死，圖案老土，但又同四週環境很協調。
假日下午茶餐炸雞肶拼蝦片（$68）即使包括餐飲，價錢仍然很貴。蝦片味道非常一般，不值一提；雞肶卻係出色嘅茶餐廳出品。生炸雞肶雞皮特别香脆；雞肉也特別香口，咬落啖啖雞肉充滿肉汁。
假日下午茶餐炸雞肶拼蝦片
$68
19 views
0 likes
0 comments
法蘭西多士（$38）用了兩件厚切方包，更加大件、更加厚身。睇得出整件方包滲滿了雞蛋漿，然後半煎炸而成，所以多士表面金黃之餘，亦有少少煎得燶燶地的效果。切開之後就有少少失望，兩件方包之間並沒有塗上花生醬；咬落去缺少了花生醬的香甜，但意外地除了牛油及雞蛋香之外，竟然多了點點甜味。問了侍應，原來多士同時沾了橙汁及雞蛋漿才炸，味道較普通法蘭西多士出色。
法蘭西多士
$38
33 views
0 likes
0 comments
港式茶餐廳中算偏貴，勝在環境有特色。未見過70、80年代銅鑼灣啲90後固然值得朝聖一下，成長於70年代的一輩也可到來緬懷一下。
Post
