越式阿肥美食 (Closed)

慈雲山呢間越色小店想試好耐，同朋友經過有位就入去試下，試下係咪真係好似網上講既咁好味。唔知係咪抱太大期望，並無網上講到咁好食。或者每人口味不同吧！沙嗲牛肉撈檬：沙嗲牛肉份量雖然多，口感爽口，但有一陣梳打粉味，牛肉味道不濃。呢間鋪頭既撈檬會有沙嗲醬(如果怕滯，可以走沙嗲醬)，一開始食會覺得味道幾特別，但慢慢食會有少少滯。所以，我會建議加入越式甜辣醋汁，去一去滯感。檬粉上亦有乾蒜片同油蔥，裏面都有紅/白蘿蔔絲，幾片青瓜。整體而言，只能說不過不失。