越滿 (Closed)

今晚買完玩具又約咗家人去食越南粉，洗衣街有一間小清新嘅越南料理店。四人晚餐經濟又矜貴，一於試吓！快人一步理想達到，最後一個卡位都俾我哋坐到。四人餐內容基本上都啱食，唔使太傷腦筋，淨係揀個小食同埋主菜搞掂！西貢牙車快沙律，幾塊大蝦片非常有特色，雞絲椰菜加埋特調醬汁，口味清新，開胃又健康。牛油雞翼，皮脆內軟的，肉汁鮮甜，勁香嘅牛油味，四隻真係唔夠食，好想再食多幾隻。越式炸春卷，口感同味道都夠晒正宗。原條燒魚，啱晒鍾意食魚嘅朋友，燒魚皮好脆，切開魚肉嫩滑，不用任何醬汁都已經很鮮味。同埋最緊要食得出係好新鮮。炒芥蘭苗，翠綠爽口，蒜蓉惹味可口。勁正越滿和牛湯河，呢碗河粉好 fusion，當中有日本和牛、澳洲和牛、美國牛小排牛丸，肉質柔軟，入口即溶，而且肉味濃郁，牛肉控不能錯過。套餐仲送埋嘢飲，薄荷葉青靈梳打，coconut water 都係我推介之一。平均每位＄125 真係好抵食。