蔡瀾越南粉 (Closed)

最近中環開左間越南菜，聽講係由蔡瀾先生主理，所以就同朋友去湊湊熱鬧。食店有兩層，裝修時尚，我地睇完個menu就叫左越南牛肉粉 (HKD 68)，特別牛肉湯河粉 (HKD 128)，香茅烤豬頸肉 (HKD 58)，越式蒸粉卷 (HKD 48)。至於飲品就叫左泰國椰青 (HKD 36)同埋話梅青檸梳打 (HKD 32)。越南牛肉粉可以選擇兩種食材，我地選擇左生牛肉同金錢腱，因為有手指公。不過你仲可以選擇牛筋，貝殼牛肉丸，銅錢牛鞭花或者牛栢葉。賣相唔錯，佢另外會將芽菜，香料，辣椒同檸檬會放係第二碟，讓食客選擇自己喜歡既味道。牛肉只能夠講既係非常正好鮮嫩，而啲金錢腱好滑，唔韌。另外，特別牛肉湯河粉其實係集合哂生牛肉，金錢腱，牛栢葉，牛肉丸，牛筋同牛鞭花。味道都好好味。可惜啲粉唔夠，不過唔駛擔心，因為呢度係可以免費添粉架，啱晒所有大胃王。跟住黎既就係豬頸肉同粉卷。豬頸肉肉質好滑，分量又大，點埋佢既醬汁，真係一流。個粉卷有4個，味道唔錯，而且好足料添。個椰青相對係超市買既清甜，絕對係唔同層次。 而個話梅梳打，味道酸甜，口感幾豐富。不過值得一提既係，佢提供既飲料唔係水咁簡單，而係羅漢果水，非常甘甜。