越興園越南菜館 (Moved) New Location

噚晚同honey又去旺角食晚飯，因為唔知食咩好，所以係條街係咁一路行一路搵食。行到呢間越興園，見到個門口好似好多款嘢食咁，又見環境唔太差，於是決定食呢間。坐低之後睇餐牌，但係睇來睇去都唔知有咩好食咁，好似冇係門口睇咁吸引。最後求其叫咗一碗香茅豬扒撈檬、炒檬粉同埋冇骨鳳爪。首先上菜既係冇骨鳳爪，嘩.....一睇個樣已經唔開胃，咁橙既，成隻酒樓食既雞腳咁。一放入口，冰凍到好似係冰箱攞返出來咁。味道差！跟住上既係香茅豬扒撈檬，呢樣冇咩特別，唯一可以食得下囉。最後來埋個炒檬粉，賣相差，又唔好食。成碟粉得個2粒蝦，少少蟹柳絲，勁搵笨！員工服務態度唔算好差，但係說話語氣差囉。兩個人食啲咁既嘢要收成百幾蚊，又要加一，覺得好唔抵食。