Video
Read full review
2011-04-10
87 views
1月9日, 今晚對晚餐冇乜意向, 一路行下行下都唔知食乜好, 行到城市花園附近發覺開多咗餐廳, 而最多人等位嘅就係呢間越南野, 原來佢係由北角嗰邊開到過嚟, 睇嚟有值得一試嘅原因~ 等位都等咗十分鐘, 安排我地坐卡位, 幾舒服~::: 雞翼金邊粉 + 粉卷 + 凍檸蜜 ::: $43雞翼同金邊粉分開上, 仲附上青檸, 辣椒等調味料~ 雞翼似係香茅調味, 但係味道只屬普通, 唔太濃味, 裏面嘅肉有d淡… 湯底有好濃烈嘅雞湯味, 少少味精咁啦, 所以都唔可以飲太多. 反而金邊粉煙韌彈牙, 幾有口感, 唔錯~粉卷係即叫即蒸, 熱熱地, 粉皮都幾薄幾通透, 不過包住嘅肉就出奇地少, 只有最中心有少少肉, 仲有三數粒齋粒~ 面頭少量嘅肉鬆看似孤寒, 唔俾好過… 而味道就ok啦, 普普通通…凍檸蜜唔駛加錢, 我就多數會叫, 味道偏甜, 檸檬都算新鮮~::: 豬頸肉撈檬 + 油菜 + 熱檸蜜 ::: $43豬頸肉撈檬賣相都幾吸引! 檬粉份量不少, 豬頸肉一字排開足以覆蓋大半個碗面~ 配料有齊生菜絲、酸蘿蔔絲、花生粒、炸蒜同青蔥粒! 豬頸肉燒得好香, 肉質外脆內軟~ 外層脆得嚟味道帶甜, 加上油嫩嘅肉
::: 雞翼金邊粉 + 粉卷 + 凍檸蜜 ::: $43
雞翼同金邊粉分開上, 仲附上青檸, 辣椒等調味料~ 雞翼似係香茅調味, 但係味道只屬普通, 唔太濃味, 裏面嘅肉有d淡… 湯底有好濃烈嘅雞湯味, 少少味精咁啦, 所以都唔可以飲太多. 反而金邊粉煙韌彈牙, 幾有口感, 唔錯~
粉卷係即叫即蒸, 熱熱地, 粉皮都幾薄幾通透, 不過包住嘅肉就出奇地少, 只有最中心有少少肉, 仲有三數粒齋粒~ 面頭少量嘅肉鬆看似孤寒, 唔俾好過… 而味道就ok啦, 普普通通…
凍檸蜜唔駛加錢, 我就多數會叫, 味道偏甜, 檸檬都算新鮮~
::: 豬頸肉撈檬 + 油菜 + 熱檸蜜 ::: $43
豬頸肉撈檬賣相都幾吸引! 檬粉份量不少, 豬頸肉一字排開足以覆蓋大半個碗面~ 配料有齊生菜絲、酸蘿蔔絲、花生粒、炸蒜同青蔥粒! 豬頸肉燒得好香, 肉質外脆內軟~ 外層脆得嚟味道帶甜, 加上油嫩嘅肉地, 感覺竟然有d似叉燒! 係好味嘅!! 檬粉晶瑩, 檬汁甜酸適中, 美中不足係有d碎… 但整體質素實在中上!
油菜係小白菜, 叫咗走油亦真係做得到! 小白菜唔算話好靚, 但灼得夠淋, 菜味鮮甜~
有時飲過d檸蜜會有陣酸味… 但呢杯熱檸蜜無, 而且菜蜜味道甜得自然~ 幾好!
呢度晚市真係好多人, 一路食都一路有人等位, 除咗越式湯河檬粉之外仲有小菜或越式大頭蝦、炒蟹等海鮮菜式, 二人行或者一大班人嚟食都照顧到! 唯一要彈係d冷氣唔係好夠, 有d熱. 侍應服務都幾好, 幾有禮貌, 晚市有set而又唔駛加一, 都算幾抵食~
Post
