火山石石鍋手打烏冬專門店 (Closed)

火山石石鍋手打烏冬專門店@旺角位於女人街既火山石烏冬係幾年前一直都係我既最愛,豬骨湯好好飲,牛肉好嫩滑好好食，當時價錢亦都唔貴。但而家既火山石烏冬出左名之後，味道差左，價錢亦貴左唔少，真係幾失望。當時係情人節同女朋友食，唔洗等位，入到去後，我地兩個都叫左我地既最愛＂安格斯牛肉豬骨湯烏冬＂同煎餃子。煎餃子(5/10)等左一陣，煎餃子先黎到，一客好普通既餃子，不值一提安格斯牛肉豬骨湯烏冬(５/10)黎到係好滾好熱，烏冬上面除左牛肉之外，仲有一隻生蛋。黎既時候牛肉係未熟既，要自己浸，好似食越南生牛河咁，但安格斯牛肉煮左一陣已經好老，唔好食，以前既火山石烏冬，牛肉煮極都唔會咁鞋，其實反映左佢牛肉質素差左。生蛋方面，我同女朋友非常喜歡將生蛋浸到半熟，然後自製流心蛋，好正。烏冬既質感亦都好似煮耐左咁，真係好失望。而豬骨湯方面，我就認為同以前差唔多。最後，其實我地懷疑可能廚師轉左人，食物真係無以前咁好食，我地都唔打算再去食。