Pho Metro (Closed)

今日去開銅鑼灣行，又咁啱想食湯麵，朋友介紹左一間越南野俾我，所以決定去pho metro 食晚餐！喱到環境都幾舒服，喱到都唔算好多款野食。 我地最後揀左兩個麵食一個小食同兩杯野飲。特別牛肉粉：特別牛肉粉個湯底好好味，有好多款材料，有牛肉，牛栢葉，牛丸，牛𦟌等等，食材都好新鮮啊！蟹膏湯檬：湯底唔算好有蟹膏味，但就幾足料，有兩粒大肉丸。而喱度嘅檬粉似米粉，好幼身。我鍾意特別牛肉粉多啲。芒果米紙卷：味道相當不錯，芒果幾甜，食落好清新，幾開胃。熱咸龍眼蜜：因為喉嚨唔舒服，所以一定要飲熱飲，呢個鹹龍眼蜜好有驚喜，好滋潤，甜甜地鹹鹹地，有龍眼嘅清香，感覺好養生，比想像之中好飲好多。牛油果沙冰：呢個沙冰好特別，平時喺出邊都好少飲到牛油果沙冰，牛油果味唔算太重，奶味比較濃，但沙冰好滑身，都好好飲！人均消費大概$180。