金翠餐廳 (Moved) New Location

呢間金翠位於另一間著名的扒房“X鳳”附近，標榜是X鳳舊人開的，如是和太座轉程去試吓。一入內，還未坐低，已經有亞姐問：要羅宋定忌廉？第一印象已經大打折扣：餐牌都未睇，連位也未坐下，已經要你點餐湯，很趕時間嗎？到喝餐湯喝到一半時，我們點的扒就上了，於是就要手忙腳亂地把餐湯放在一旁，拿起餐巾讓她淋汁。然後發覺兜湯要拿起來才喝到，因為個扒已經霸咗成張枱(唔係個扒大，係張枱細)。到吃扒的時候，只要你放低刀叉，就會有亞姐快速走近，問你係咪食完要收走？我心諗：中途休息吓都唔得？以上種種情況，顯示出這裏的待客之道：請你快啲食完快啲走，等我做多幾枱客。既然係咁，以後都唔幫襯你，等你多張枱做其他客啦。後話：若論食物質素，同X鳳真係有一段距離：牛扒細，豬扒韌。