Video
Read full review
2009-01-19
7 views
今天第一次試此店, 此店舖面細細, 似一般茶餐廳格局, 食物尚可, 不過價錢不算平, 例如牛肉餅一件12蚊 (雞/羊肉同價), 餃子30蚊6隻, 拍青瓜24蚊一碟, 以此區來說, 算是有一點少貴吧? 反而午市套餐才26或28蚊一客, 有飯或麵, 加一杯豆漿或汽水一罐, 相比小吃小菜當然是抵吃得多。因為是午飯, 我們四人共點了四個午市套餐, 及兩個餅來分著吃。午市套餐印象中大概有八個選擇, 都是很大路的飯麵之類, 味道也沒什麼驚喜, 反而牛肉餅和羊肉餅真的爆汁, 也應是即叫即煎, 很鮮美。不過, 此店有一位狀似老闆娘的阿嬸, 態度頗差, 很有趕客意味。事例一:因見幾乎每檯都幾乎有點牛肉餅, 所以在點菜的當兒先來兩個當頭盤, 我跟阿嬸落單說要一件牛肉一件羊肉, 那位阿嬸就問我:「你地四個人?」我答:「係呀, 我地分來吃試吓 (因為估到佢想講乜)。」阿嬸:「每樣一件貴d架wor! 因為要師付得登整!」我:「吓? 係咩? (明明餐牌寫兩件24蚊, 一件12蚊喎...) 」跟住我指俾阿嬸睇餐牌, 阿嬸:「咦? 一件12蚊, 一樣喎!」事例二:到我正式落單, 點四個午市套餐, 點完, 阿嬸要我聽
因為是午飯, 我們四人共點了四個午市套餐, 及兩個餅來分著吃。午市套餐印象中大概有八個選擇, 都是很大路的飯麵之類, 味道也沒什麼驚喜, 反而牛肉餅和羊肉餅真的爆汁, 也應是即叫即煎, 很鮮美。
不過, 此店有一位狀似老闆娘的阿嬸, 態度頗差, 很有趕客意味。
事例一:
因見幾乎每檯都幾乎有點牛肉餅, 所以在點菜的當兒先來兩個當頭盤, 我跟阿嬸落單說要一件牛肉一件羊肉, 那位阿嬸就問我:「你地四個人?」我答:「係呀, 我地分來吃試吓 (因為估到佢想講乜)。」阿嬸:「每樣一件貴d架wor! 因為要師付得登整!」我:「吓? 係咩? (明明餐牌寫兩件24蚊, 一件12蚊喎...) 」跟住我指俾阿嬸睇餐牌, 阿嬸:「咦? 一件12蚊, 一樣喎!」
事例二:
到我正式落單, 點四個午市套餐, 點完, 阿嬸要我聽佢覆述一次, 好, 咪聽囉, 但阿嬸在講之前, 卻突然伸手硬要將我正在看的餐牌翻轉 (咁都得!), 要我望住餐牌聽佢覆述一次! 我有d愕然, 跟住沒理她, 叫她: 「你就咁讀就得啦!」大佬! 四樣野唧? 唔係咁小事都會攪錯呀?!
事例三:
我地食完飯, 稍為聊了一陣, 阿嬸卻在我地未叫埋單之情況下, 突然將張單"隊"埋來, 「多謝135蚊!」我地幾個朋友當場呆咗, 坦白講當時已兩點, 門外是有人等位, 但是等一張六人大檯, 我地四人坐細檯, 而當時其他細檯仍有位, 門外也沒有其他客等位了, 阿嬸如此舉動, 擺明是趕我地走, 於是我地就好無癮地埋單走人, 反而走時有另外一位侍應阿姐走過來話唔好意思...
至於我說的那位阿嬸, 我們走時, 她站在收銀檯後沒有表情地說了句"多謝" (肯講多謝都算好難得?!), 不過當時我心中已決定, 唔慌有下次!
我所說的那位阿嬸, 希望佢真係老闆娘啦, 否則, 真係實聽炒都得啦!
Post