糖仁街 (Moved) New Location

原本開開心心諗住試下綿花冰，結果換黎一肚氣 ！話說同班friend食完晚飯想食甜品，就到左厚福街搵食，見到呢間舖就想試下，拎左飛又見有排等，於是我地就先去同街另一間嘅甜品舖食一轉先。食完返去都仲要等左起碼15分鐘有多先有位，入到去坐低order左2個冰，跟住個姐姐仔先講:「而家係繁忙時間我地設有最低消費，每人$20，你地而家係唔夠數，一陣要補番個差價！」最低消費！？ 我地覺得奇怪，就問佢邊度有寫啦，佢話:「係冇寫架！」之後我地諗住等d野黎齊先再問下個老細，點知d野一到齊就有一位阿嬸望下我地張單，跟住就同我地講:「我地有最低消費架，每人$20，你地唔夠數一陣要補錢！」我地就問佢:「你門口無寫到有最低消費喎，餐牌同order紙都無寫到，點解會突然有架？」阿嬸話:「我地係無寫架，一向都係口頭講嘅！大家都係出黎搵食啫，係咁架啦！」 我地問:「每人$20消費，你呢度$18一碗芝麻糊，加埋一我都唔夠$20啦，咁點計呀？乜你地做生意咁唔老實架，咩都無寫又話要最低消費！」之後阿嬸走去收銀處同收錢個阿姐講左幾句再反轉頭同我地講話:「你地好快d食，食完好走喇，唔好阻住我張枱呀！」 真係火都黎埋，做生意咁老