鞍山茶座

Open Now

Now Closed

下晝5點半左右入去想食個下午茶，座底左個待應一擺底兩張下午茶餐牌就問食咩，我睇都未有時間睇，就同佢講話睇一睇先，佢就話收6點催我地快啲落單，然後一直隔喺隔離chur你，咁都算，我好快咁落完單，而啲嘢食一兩個字內都到齊，因為全餐廳得番三枱客，嘢食放低左之後就催我埋左張單先，埋完以為可以安心咁食，但都錯晒，5點50分左右就熄晒全餐廳冷氣加電視，啲待應仲會一直喺附近mark實你黎收碟執枱，務求你唔好阻佢收工，最好笑係喺佢熄晒冷氣之後聽到個待應話有啲焗。最後我快快手食完6點前走人，真係怕留多一分鐘都會比人趕💩餐廳地面好滑唔知係油定水。野食一般，上菜算快，主要因為無客。服務係垃圾，試過嘅唔會再試，未試過嘅就無謂貼錢買難受。