老夫子餐館 (Closed)

餐廳食物一般，紅酒燴牛尾啲牛好韌，帶有羶味！連忌廉湯一齊上嘅麵包非常硬，唔好食！瑞士汁炒牛河味道略甜，可能加咗好多糖，有菜心做配菜唔錯，菜心新鮮！沙律有兩件鴨胸，味道幾好！甜品蛋糕係跟餐送嘅，好味！凍檸茶茶味唔得，唔好飲！晚市客人唔多，但有位女職員總喜歡行來行去，對眼到處望著每張枱客人，另人感覺唔舒服，好似被監視，每食完一樣嘢就即收碟，但我哋未食完只想停一停放下刀义，女職員就立即上前問係咪唔要，我話未食完，佢無出聲走咗，連唔好意思一聲都無，簡直想趕客！