Video
Read full review
2012-09-28
83 views
係 menu 封面既招牌雞煲賣相，真身係咪一樣先。魚卷羊照片就影得好靚喇，唔知味道又如何，今晚可以一試。睇完戲即衝過黎食，好采唔洗等位啫。今次係第二次幫襯，上次真係非常非常好食，好掛住呀 ﹗但今次差到無影，非常失望 ﹗愚人節係咩玩我呀？魚卷羊，終於可以一嘗傳說中既菜式 ﹗我第一次認識依道菜係廿年前既一套無線電視劇，講一間南丫島飯店，林峰都有份演出。魚加羊真係等於鮮？嫩滑既桂魚柳卷住軟棉既羊肉，肉汁非常豐富，魚同芡汁既甜味夾雜住羊既肉汁同清淡羶味 ﹗味道特別，都幾好食。但係溫度同味道既感覺似番熱喎，暖暖地唔夠熱 ﹗臨收工？ 一早煮定？有點強差人意 ﹗如果即叫即做，熱騰騰上枱，絕對唔會好似依家咁既質數囉 ﹗有機會會再試多一次。水煮田雞中辣，一路諗緊要辣子好呢？定水煮好呢？叫水煮有薯粉底喎，索湯一流架喎，又飽肚。最後決定水煮田雞 ﹗上枱喇，煙都唔煙吓，唔夠熱，暖暖地，唉 ﹗中菜唔熱邊會好食架，我直頭想叫佢攞返去整熱先比返我添呀 ﹗田雞肉滑溜彈牙，好味 ﹗但份量好少，好難先係茫茫血池中搵到黎食。薯粉撈埋湯汁同吃，好夠麻 ﹗又夠辣 ﹗好正，夠刺激 ﹗但一再強調唔熱呢 ﹗唔熱搞到口感油淋淋呀 ﹗離
魚卷羊，終於可以一嘗傳說中既菜式 ﹗我第一次認識依道菜係廿年前既一套無線電視劇，講一間南丫島飯店，林峰都有份演出。魚加羊真係等於鮮？嫩滑既桂魚柳卷住軟棉既羊肉，肉汁非常豐富，魚同芡汁既甜味夾雜住羊既肉汁同清淡羶味 ﹗味道特別，都幾好食。但係溫度同味道既感覺似番熱喎，暖暖地唔夠熱 ﹗臨收工？ 一早煮定？有點強差人意 ﹗如果即叫即做，熱騰騰上枱，絕對唔會好似依家咁既質數囉 ﹗有機會會再試多一次。
水煮田雞中辣，一路諗緊要辣子好呢？定水煮好呢？叫水煮有薯粉底喎，索湯一流架喎，又飽肚。最後決定水煮田雞 ﹗上枱喇，煙都唔煙吓，唔夠熱，暖暖地，唉 ﹗中菜唔熱邊會好食架，我直頭想叫佢攞返去整熱先比返我添呀 ﹗田雞肉滑溜彈牙，好味 ﹗但份量好少，好難先係茫茫血池中搵到黎食。薯粉撈埋湯汁同吃，好夠麻 ﹗又夠辣 ﹗好正，夠刺激 ﹗但一再強調唔熱呢 ﹗唔熱搞到口感油淋淋呀 ﹗離譜 ﹗薯粉比上次水煮桂魚少成半，兩碗仔都無，又散又碎濕濕 ﹗您地到底係咪趕住收工呀？
豆腐魚頭湯，黎個滾湯先，終於有道菜係熱辣辣，出住煙咁上枱喇 ﹗魚頭夠大隻，炸過去腥味，啖啖肉又嫩滑，轉眼間消滅左喇。湯又香又鮮，夾埋白菜味道特別甜，好好飲呀 ﹗
辣雞煲中辣，同上次食既味道係兩回事，今次不香又不辣，仲偏甜囉 ﹗辣雞煲唔辣？﹗雞肉嫩滑，但醃得唔夠入味。年糕係其中一樣配菜，開得大火又黐底，細火又滾唔起，炆唔到啲雞 ﹗食多幾舊又滯，食唔到其他野，下次一定要走年糕先得。今次個雞煲非常差，我想再問多句，您地係咪趕住收工呀？
Post
